ಕುಂದಾಪ್ರ ಬದಿ ಬೈಗುಳ

ನಂಬ್ತ್ರಿಯೋ ಬಿಡ್ತ್ರಿಯೋ ಅದ್ ನಿಮ್ಗ ಬಿಟ್ಟದ್, ಆರೆ ಈ ಬೈಸ್ಕಂ ಕೆಲ್ಸ ಇತ್ತಲ ಅದ್ರಶ್ಟ್ ದಡ್ ರಗ್ಳಿ ಇನ್ನೊಂದಿಲ್ಲ. ಅಪ್ಪ ಅಬ್ಬಿ ಎಯ್ಡ್ ಕೊಟ್ರೆ ತಕಣ್ಲಕ್ ಅದ ಬಿಟ್ ಬಯ್ಯುಕ್ ಸುರು ಮಾಡ್ರೆ ಅಲ್ ಕೂಕಂಬ್ಕೆ ಎಡಿದೋ ಎಡ್ಯ.

ಬೆಂಗ್ಳೂರ್ ಅಪ್ಪ ಅಬ್ಬಿ ಬೈದ್ರೆ ಎಶ್ಟ್ ಬೈತ್ರ್. "ನಿನಗೆ ಕರೆಂಟ್ ಬಿಲ್ ಕಟ್ಲಿಕ್ಕೆ ಹೇಳಿದ್ದೆ. ನಿನ್ಗೆ ಇನ್ನು ಟೈಮ್ ಸಿಕ್ಕಿಲ್ಲ ಅನ್ಸುತ್ತೆ. ನಿನ್ಗೆ ಒನ್ದು ಸ್ವಲ್ಪ ಕೂಡ ಜವಾಬ್ದಾರಿ ಇಲ್ಲ. ಅದು ಯಾವಾಗ ನಿನ್ಗೆ ಬುದ್ದಿ ಬರತ್ತೋ ಎಲ್ಲ ನನ್ನ್ ಕರ್ಮ". ಇದನ್ನೇ ತಿರ್ಸಿ ತಿರ್ಸಿ ಹೇಳುದ್ ಬಿಟ್ರೆ ಬೇರೆ ಎಂತ ಬತ್ತಿಲ್ಲ ಅವ್ರಿಗ್. ಆ ಮಕ್ಕಳು ಕೇಂಬಶ್ಟ್ ಕೇಂತೊ, ಕಡಿಕೆ ಎಂತಾರು ಸುಳ್ ಹೇಳಿ (ದೋಸ್ತಿ ಮದಿ, ದೋಸ್ತಿ ಮನಿ ತೊಳ್ಸಿ ಪೂಜ, ಸ್ಪೆಶಲ್ ಕ್ಲಾಸ್. ಯಾವ್ ನಮನಿ ಸುಳ್ ಎಲ್ಲ ಬೇಕ್, ಯಬ್ಯ ಎಲ್ಲ ನಮನಿ ಯಾಸ ಇರತ್) ಕಾಪಿ ಡೇ ಅಗೋ ಇಲ್ಲ ಪಿಜ್ಜಾ ಹಟ್ ಅಗೋ ಕೂಕಂಡ್ ಹಂಚಟ್ ಹೆಕ್ತಾ ಇರ್ತೋ. ಅವಕ್ಕೆ ಹೀಂಗೆ ಎಲ್ಲ ಬೈದ್ರೆ ತಾಂಗುದಿಲ್ಲ.

ನಮ ತೋಡ್ ಬದಿ ಚೀಂಕ್ರ್ ಅಣ್ಣನ್ ಗಂಡ್ ಮೀನ್ ತಪ್ಪುಕೆ ಚಡ್ಡಿ ಕೊಳ್ಸ್ಕ್ಂಡ್ ಜರಿ ಕೊಟ್ಟಿ ಹಿಡ್ಕ್ಂಡ್ ರಸ್ತಿ ಕಡಿಗೆ ಹೊಯ್ತ್. ಅಬ್ಬಿ ಹದ್ನೈದ್ ರುಪೈ ಕೊಟ್ ಕಳ್ಸಿದಳ್. ಜಟ್ಟಿ ದೈದ್ ಮನಿ ಜಡ್ಡಗೆ ಆಡ್ಕ್ಂಡ್ ಹೋಪತಿಗೆ ಗಂಡಿಗೆ ಸಾಕಾಯ್ತ್. ಇನ್ನೇನ್ ರಾಧಕ್ಕನ್ ಹತ್ರ ಒಂದ್ ಪಾಲ್ ಬಂಗ್ಡಿ ಕಾಣಿ ತಕಣ್ಕ್ ಅಂಬುರೊಳ್ಗೆ ಗಂಡಿಗ್ ಎಲ್ಲೋ ಓಣಿ ಬದಿಂದ್ ಬೇಸದ್ ಕೋಳಿ ಮಟ್ಟಿ ಪರಿಮಳ ಬಂತ್. ಗಂಡಿಗೆ ಮದ್ಲೆ ಹೊಟ್ಟಿ ಚೊರ ಚೊರ ಅಂತಿತ್. ಮೊದ್ಲೇ ದಡ್ ಹಡಿ ಪಲ್ಡಿ, ಇನ್ ಹೊಸುವಾದಾಗಳಿಕ್ ಕೇಣ್ಕಾ. ಎಂತ ಬೇಕಾರು ಆಯ್ಲಿ ಅಂದೇಳಿ ತೀರ್ಮಾನ ಮಾಡಿ ೫ ರುಪೈ ಗೆ ೨ ಬೇಸದ್ ಮಟ್ಟಿ ತಕಂಡ್ ತಿಂದ. ಉಳದ್ ೧೦ ರುಪೈ ಗೆ ಒಂದ್ ಪಾಲ್ ಹೊಟ್ಟಿ ಒಡದ್ ಗೋಂಟ್ ಬಂಗ್ಡಿ ತಕ ಮನಿ ಬದಿಗ್ ಹೋದ.

ಗಂಡಿಗೆ ಗುತ್ತಿಲ್ಲ ಅಬ್ಬಿ ಹೋದ್ ನಾಕ್ನೇ ಕಲಸಿಗಾರು ಮಂಡಿ ಈಗಳಿನ್ ಚಾರ್ಟರೆಡ್ ಅಕೌಂಟೆಂಟ್ ಗೆ ಲೆಕ್ಕ ಕಲ್ಸು ಅಶ್ಟಿತ್ ಅಂತೇಳಿ. ಮೀನ್ ಜರಿಕೊಟ್ಟಿ ತಕಂಡ್ ಅಬ್ಬಿ ಕೋಳಿ ಗೂಡ್ ಬದಿಗ್ ಹೋದಳ್. ಕೊಟ್ಟಿ ಒಳ್ಗಿದ್ ಮೀನೆಲ್ಲ ತೆಗ್ದ್ ಹಳಿ ಮಣ್ ಅಳ್ಗಿ ಒಳ್ಗೆ ಸೊರ್ದ್ಳಳ್. ಆಗಳಿಕೂ ಗುತಾಯ್ಲ. ಆ ಬಡ್ ಕತ್ತಿ ತಕಂಡ್ ಹೆಜ್ರ್ ತೆಗುವತ್ತಿಗೆ ಇವೃ ಕಂಪ್ಯುಟರ್ ಮಂಡಿ ಓಡುಕ್ ಸುರು ಆಯ್ತ್. ಹತ್ ರುಪೈಗೆ ನಾಕ್ ಆರೆ ಹದ್ನೈದಕ್ಕೆ ಆರ್ ಕಾಣಿ ಬರ್ಕ್. ಹೆಂಗ್ಸಿಗೆ ಎಲ್ಲಿಂದೆಲ ಶಿಟ್ ಬಂತೋ ಏನೋ, ದರ್ಶಿನ ಸುರು ಆಯ್ತ್ ಕಾಣಿ.

"ಗಡೇ ಎಲ್ ಹೊಲಕ್ ಹೋಯ್ದೆ. ಇಲ್ ಬಪ್ಪಿಲೆ". "ಎಂತ ಅಬ?". "ಮೀನ್ ಎಶ್ಟ್ ರುಪೈದ್ ತೈಂದೆ?". "ಅಬ, ಹತ್ ರುಪೈಗೆ ಎಯ್ದ್. ನಾ ಒಂದ್ ಜಾಸ್ತಿ ಹಾಕಿ ಅಂದೇಳಿ ಚೌಕಾಶಿ ಮಾಡಿ ಹೈಕ ಬೈಂದೆ". ಅಬ್ಬಿಗ್ ಎಲ್ಲಿಂದ್ ಜಕ್ಣಿ ಬಂತೊ ಗುತ್ತಿಲ್ಲ. ಸುರು ಮಾಡದಳ್ ಕಾಣಿ. ಕೇಂಡ್ರೆ ನಮ್ ರಾಜ್ಯದ್ ಸಾಹಿತಿಗಳಿಗೆಲ ನಾಚಿಕಿ ಆಯ್ಕ್ ಆ ನಮನಿ ಶಬ್ಧ ಪ್ರಯೋಗ. "ಎಲ ಹೆಕ್ಕ ತಿಂಬುದೆ, ನಿನ್ ಸೊಡ್ಡಿಗ್ ಇಶ್ಟ್ ಅಕ್ಕಚ್ ಹಾಕುಕೆ. ಆಚಿ ಮನಿ ಗಂಡ್ ಹತ್ ರುಪೈ ಗೆ ನಾಕ್ ಬಂಗ್ಡಿ ತಕ ಬೈಂತ್. ನಿಂಗ್ ರೋಗ್ವ ಹದ್ನೈದ್ ರುಪೈ ಗೆ ನಾಕ್ ತಕಬೈಂದ್ಯಲೆ. ಕಿಚ್ ಹಿಡ್ದನೆ ಕೊಟ್ರೆ ನಾಕ್ ಬಂಗ್ಡಿ ಒಬ್ಬನೆ ಹೊಜಾಳ್ಸ್ ತೆ, ಕೊಟ್ಟದ್ ಪೂರ ದುಡ್ಡಗ್ ಮೀನ್ ತಪ್ಪುಕ್ ಎಂತ ರ್ವಾಗ ನಿಂಗೆ. ಹಪ್ಪ್ ಹಿಡದ್ದೆಲೆ, ಹೀಂಗೆ ಮೀನ್ ತಪ್ಪುಕೊಟ್ಟದ್ ದುಡ್ಡಗ್ ಬೆಲ್ದ್ ಉಂಡಿ, ಆಮ್ಲೆಟ್ ತಿನ್ಕ್ಂಡ್ ಹೋರ್ ಬಬ್ಬರ್ಯನ್ ಕಂಡಗ್ ಜೀವ್ ಬೆಳ್ಸ್ ಕಂಡಿದೆ. ಕಾಂಬುಕ್ ಹ್ವಾಂತ್ ಮಂಗನ್ ಕಂಡಗ್ ಇದ್ರು ನಿಂಗೆ ತಿಂಬುಕೆ ಹೋಟ್ಲ್ ಐಟ್ಂ ಆಯ್ಕ್. ಮನಗೆ ಮಾಡದ್ ನಿಮ್ ಹೊಟ್ಟಿಗ್ ಹೋತಿಲ್ಲೆ. ನಿಂಗ್ ಇನ್ ಎಯ್ಡ್ ವರ್ಷ ಹ್ವಾರೆ ಮದಿ ಮಾಡ್ಕ್. ಮದಿ ಆರ್ಮೇಲು ನೀ ಸಮ ಆತೆ ಅಂದೆಳಿ ನಂಗೇನ್ ಬರ್ವಸಿ ಇಲ್ಲೆ. ಅವ್ಲ್ ಬಳಿ ಮಾರ್ಕಂಡ್ ಹೋಟ್ಲಗೆ ಉಂಡ್ಕ ಬಪ್ಪ ಮರ್ಯದಿ ಸತ್ತನ್ ನೀನ್"

"ಓಡತ್ ಎಲ್ಲಿಗ್ ನೀನ್ ನಗ ನಾಚಿಕಿ ಬಿಟ್ಟನೆ, ನಿತ್ಕೊ ಅಲ್ಲೆ" ಅಂದೇಳಿ ಆ ಗಂಡಿನ ಬೆರ್ಸ್ ಕಂಡ ಹೋಯ್ ಆ ನಾಯ್ ಓಡ್ಸುಕ್ ಇಟ್ ಕೋಲಗೆ ಒಂದ್ ಕೊಟ್ಟಳ್ ಕಾಣಿ ಈ ಲೋಕದ್ದಲ್ಲ. ಗಂಡ್ ರಾತ್ರಿ ಇಡೀ ಮರ್ಕ್ತೆ ಮನಿಕಂತ್. ನೀವ್ ಅಂದ್ಕಂಡಿಪ್ಪುಕು ಸಾಕ್, ಗಂಡ್ ಈಗ ಸಮ ಮೀನ್ ತಕಂಡ್ ಹೋತ್ ಅಂದೇಳಿ ಅಲ್ದ. ಇಲ್ಲಪ, ಹಾಂಗೆಲ್ಲ ಆತಿಲ್ಯೇ. ಅವ ದಿನ ಬೆಲ್ದುಂಡಿ ತಿಂತ ಅಬ್ಬಿ ದಿನ ಬೈತಳ್. ಎಶ್ಟಾರು ಬೈಯುದ್ ಅಬ್ಬಿ ಅಲ್ದ, ಅದನ್ನೆಲ್ಲಾ ಲೆಕ್ಕಕ್ ತಕಂಬುಕಾತ್ತ!!!!

 ಕಂಡ್ರ್ಯ ಯಾವ್ ನಮನಿ ಎಲ್ಲ ಇತ್ತ್ ಕಾಣಿ ಬಯ್ಯುಕೆ. ಇಶ್ಟೆ ಅಲ್ಲ ಇನ್ನು ತುಂಬಾ ಇತ್. ಆರೆ ಎಲ್ಲ ಇಲ್ಲ್ ಬರುಕ್ ಆತಿಲ್ಲಾ!.